17:49, 24 Aqpan 2025 | GMT +5
Germanııada eki avtobýs soqtyǵysyp, 35 adam zardap shekti
ASTANA.KAZINFORM - Germanııanyń batysynda eki avtobýs soqtyǵysyp, kem degende 35 adam zardap shekti, dep habarlaıdy BILD.

Dúısenbi kúni tańerteń Saarbrıýkkende jol apaty boldy. Eki jolaýshylar avtobýsy Saarbasar saýda ortalyǵynyń mańynda betpe-bet soqtyǵysyp qaldy.
Polıtsııanyń málimetinshe, keminde 35 adam zardap shekken, olardyń arasynda balalar da bar. Kem degende bes adamnyń jaǵdaıy aýyr.
Oqıǵa ornynda tótenshe jaǵdaılar qyzmeti jumys istep jatyr, medıtsınalyq tikushaq ta jetti. Qazirgi ýaqytta jol apaty bolǵan ýchaske jabylyp, kólik qozǵalysynyń baǵytyn ózgertý jumystary júrgizilip jatyr.
Buǵan deıin Astanada avtobýs apatynan 15 turǵynnyń zardap shekkeni habarlanǵan bolatyn.