Germanııada deportatsııa 18%-ǵa ósti: zańsyz mıgranttardy shyǵarý kúsheıtiledi

ASTANA. KAZINFORM — 2025 jyldyń alǵashqy on aıynda Germanııadan deportatsııa sany ótken jyldyń sol kezeńimen salystyrǵanda 18%-ǵa kóbeıgen, dep habarlaıdy DW Bild am Sonntag-ke silteme jasap.  

Elden 19 538 adam shyǵarylǵan, bul kúnine shamamen 65 adamǵa teń.

Germanııanyń Іshki ister mınıstri Aleksandr Dobrındt basylymǵa bergen suhbatynda mıgratsııa máselesinde qatal saıasat ustanýǵa nıetti ekenin jáne zańsyz turatyn mıgranttardy, ásirese Sırııa men Aýǵanstanǵa, jıi deportatsııalaýdy josparlap otyrǵanyn aıtty.

Buǵan deıin Eýropa Odaǵynyń 27 eliniń 19-y, sonyń ishinde Germanııa, Brıýsselden aýǵandyqtardy elden shyǵarý protsesin kúsheıtýdi suraǵan.

Ótken jyly EO elderinde aýǵandyqtardy elge qaıtarý týraly 22 870 sheshim shyǵarylǵan, biraq onyń tek 435-i ǵana júzege asqan.

Budan buryn Germanııa sırııalyq bosqyn úmitkerlerinen jappaı bas tarta bastaǵanyn jazǵan edik.

Sondaı-aq aýǵan bosqyndary Germanııaǵa kirmeý úshin usynylǵan aqshalaı ótemaqyny qabyldamaǵany da aıtyldy.

Qazir Germanııada áıelderge qatysty zorlyq-zombylyq jaǵdaılary kóbeıdi. Eldiń ishki ister mınıstri Dobrındt sondaı-aq turmystyq zorlyq-zombylyqqa kúdiktilerdiń úshten birinen astamy (37%) Germanııa azamattary emes ekenin atap ótti. Jábirlenýshilerdiń de shamamen úshten biri Germanııa azamattyǵyna ıe emes.