Germanııada dástúrli sý ústindegi karnaval ótti
ASTANA. QazAqparat - Germanııanyń Noıbýrg qalasynda dástúrli sý ústindegi karnaval ótti. Munda kúnniń sýyǵyna qaramastan, 2 myńǵa jýyq adam Dýnaı ózenine súńgigen, dep jazady 24.kz.
Qatysýshylardyń kóbi tońyp qalmas úshin arnaıy jabdyq, onyń syrtynan merekelik kostıým kıip alypty. Alaıda júrek jutqan 40 kisi muzdaı sýǵa jaı ǵana shomylý kıimimen tússe kerek.
Sýdan shyqqannan keıin jylyný úshin barlyq qatysýshylarǵa ystyq sorpa taratylypty.
- Men qutqarýshy bolyp jumys isteımin. Senesizder me, bul sharaǵa 40 jyl qatysyp kelemin. Sol sebepti qysta sýǵa túsýde turǵan eshteńe joq dep oılaımyn, - deıdi qatysýshy Frants Vesner.
