Germanııada dárigerge jazylý úshin ortasha kútý ýaqyty 42 kúnge jetti

ASTANA. KAZINFORM — Germanııadaǵy dárigerge jazylý ýaqyty rekordtyq kórsetkishke jetti, dep habarlaıdy DW.

Rheinische Post gazetiniń habarlaýynsha, bul derek Germanııa Densaýlyq saqtaý mınıstrliginiń Solshyl partııanyń parlamenttik saýalyna bergen jaýabynan alynǵan. 2019 jyly memlekettik medıtsınalyq saqtandyrý júıesiniń patsıentteri endokrınolog, lor tárizdi mamandanǵan dárigerge jazylý úshin orta eseppen toǵyz kúnge az kútýge májbúr bolǵan.

Sonymen qatar, jospardan tys qabyldaýlarǵa jumsalǵan shyǵyndardyń artýy mindetti medıtsınalyq saqtandyrý júıesiniń qosymsha shyǵyndaryn kóbeıtti: 2023 jyly bul kórsetkish 814 mln eýrony quraǵan, al 2020 jyly — 291 mln eýro shamasynda bolǵan.

Keıbir dárigerler aptasyna keminde bes saǵat ýaqytty aldyn ala jazylmaǵan patsıentterdi qabyldaýǵa arnaýǵa mindetti. ıAǵnı, kez kelgen adam aldyn ala jazylmaı-aq sol ýaqytta dárigerge bara alady. Osy úshin dárigerlerge qosymsha aqy tólenedi.

Negizgi bul ereje medıtsınalyq kómektiń qoljetimdiligin arttyrý úshin jasalǵan. Degenmen Solshyl partııa depýtaty ıÝlııa-Krıstına Shtangeniń sózinshe, praktıkada júzinde bul josparlanǵandaı nátıje bermeıdi.

— Medıtsınalyq qyzmet sapasyn jaqsartý jáne dárigerge jazylýdy jyldamdatý maqsatynda engizilgen erejeler tolyqtaı sátsizdikke ushyrady. Bul mindetti medıtsınalyq saqtandyrý ıelerine qymbatqa túsedi, al qyzmet kórsetý sapasy nasharlap barady. Biraq úkimet naqty jaǵdaıdy zerttep, shara qabyldaýdyń ornyna bul máseleni elemeı otyr, — deıdi ol.

Dárigerge jazylýdy jedeldetýge arnalǵan 116117 nómirli «arnaıy jeli» osy tapsyrmany oıdaǵydaı atqaryp keledi. 2024 jyly bul jeli arqyly 1,645 mln adam qabyldaýǵa jazylǵan, ortasha kútý ýaqyty bir kúnge qysqaryp, 11 kúndi quraǵan.

Osydan buryn Germanııada óz kúnkórisin qamtamasyz etýde qıyndyq kórip, kedeılik qaýpine ushyraǵan adamdar sany artyp kele jatqanyn jazǵan bolatynbyz.