Germanııada COVID-19 taralý ındıkatory turaqty túrde tómendeýde
Germanııada COVID-19 taralý ındıkatory turaqty túrde tómendeýde – sońǵy 7 kúnde 100 000 turǵynǵa shaqqanda 64,2 adamnyń indetti juqtyrý jaǵdaıy tirkeldi. El bıligi bul kórsetkish 50-ge deıin tómendegen kezde epıdemııaǵa qarsy qatań karantındik sharalardyń jeńildetiletinin habarlaýda.
Lıtva bıligi karantındik shekteý sharalaryn jeńildetip, 15 aqpannan bastap azyq-túlikten basqa zattar satylatyn dúkenderdi, shashtarazdar men sulýlyq salondarynyń ashylýyna ruqsat etti.
Aqpan aıynyń sońynda Nıý-Iork stadıondary qaıta ashylmaq. Olardyń indettiń órshýine baılanysty jabylǵandaryna bir jyldan astam ýaqyt ótken. Kórermenderdiń ruqsat etilgen jalpy sany stadıonnyń syıymdylyǵynyń 10 paıyzynan aspaýy tıis.
Meksıkada koronavırýsqa qarsy Qytaıdyń eki vaktsınasy - CanSino Biologics jáne CoronaVac tirkeýden ótti. Buryn BioNTech/Pfizer, AstraZeneca jáne Reseılik «Spýtnık V» vaktsınalary tirkelgen bolatyn.
Ulybrıtanııa Premer-mınıstri Borıs Djonson eldiń 15 mıllıonnan astam turǵyny koronavırýsqa qarsy vaktsınatsııanyń alǵashqy dozasyn alǵanyn málimdedi. 520 myńǵa jýyq adam vaktsınatsııanyń ekinshi bóligin qabyldaǵan.
