Germanııada bosqyndarǵa ketken «shyǵyndy» sanady
ASTANA. QazAqparat - Kóshi-qon daǵdarysy Germanııa bıýdjetine aıtarlyqtaı túzetýler engizdi. replyua.net habarlaǵandaı, bosqyndardyń kelýi el bıligine shamamen 21 mıllıard eýro shyǵyn keltirmek.
Mıýnhendegi ekonomıkalyq zertteý ınstıtýtynyń basshysy Gans-Verner Zınn osyndaı málimdeme jasady. Onyń sózine qaraǵanda, Germanııa bosqyndardyń kóptep kelýin qarjylandyrý úshin qaryzǵa kiretindeı jaǵdaıda emes. El bıligi aqshany bıýdjetten izdeýi kerek, ázirge qarajat bar, alaıda kóshi-qon daǵdarysy bitpese, barlyq bosqynǵa bıýdjet jetpeıdi.
2016 jylǵy memlekettik bıýdjette atalǵan shyǵyndy óteý úshin qajetti somany tabýǵa bolady, alaıda aldaǵy ýaqytta bul qıyndaı túsedi. Instıtýt basshysynyń sózine qaraǵanda, qazirdiń ózinde Germanııa bıligi bosqyndar saldarynan keı shyǵyndardy azaıtyp jatyr.
Eske sala keteıik, 2015 jyly Germanııada resmı túrde 1 mıllıon 87 myńnan astam bosqyn tirkeldi. Kóshi-qon qyzmetiniń qyzmetkerleri aıtqandaı, bul naqty san emes. El aýmaǵynda 250 myńǵa jýyq adam bılikten jasyrynyp júr.
