Germanııada bosqyndar lagerine oq atyldy
ASTANA. QazAqparat - Tómengi Saksonııa ornalasqan nemistiń Lıngen qalasynda bosqyndarǵa arnalǵan ortalyqqa pnevmatıkalyq vıntovkadan oq jaýdyryldy, dep habarlady Reuters agenttigi.
Lagerde turǵan eki adam: makedonııalyq bes jasar qyzdyń aıaǵynan jaralandy jáne 18 jastaǵy sırııalyq zardap shekti. Ekeýi de aýrýhanaǵa jetkizilip, olarǵa medıtsınalyq kómek kórsetildi.
Oqıǵa jeksenbi kúni oryn aldy. Alaıda polıtsııa bul týraly qazir ǵana jarııalap otyr. Quqyq qorǵaýshylardyń pikirinshe, buǵan terezesi bosqyndar ortalyǵyna qaraıtyn 21 jastaǵy nemistiń qatysy bar degen kúdik bar. Kýágerlerdiń sózine qaraǵanda, onyń úshinshi qabattaǵy onyń páterinen myltyqpen oq atylǵan. Polıtsııa onyń úıin tintip, qarý men onyń oqtaryn tárkiledi.
