Germanııada bosqyndar burynǵy kontslager ǵımaratyna jaıǵasty
ASTANA. QazAqparat - Germanııada burynǵy kontslager ǵımaraty mıgranttardy qabyldaý ortalyǵyna aınaldy.
Dahaý aýmaǵyna Taıaý Shyǵys pen Soltústik Afrıkadan aǵylǵan bosqyndar ornalastyrylǵan. Jergilikti bılik «bul - ýaqytsha shara» dep aqtalyp otyr. Óıtkeni búginde kelimsekterdi jaıǵastyratyn jańa oryndar salý úshin memlekette qarajat tapshy kórinedi.
Olar bolashaqta mıgranttarǵa qolaıly jaǵdaı jasalady dep sendirýde. Aıta keteıik, Dahaý kontslagerin 1945 jyly amerıkalyq ásker azat etken. 12 jyl ishinde munda 40 myńnan astam adam qaza taýypty, dep jazady 24.kz .
«Munda negizinen evreıler turatyn. Olar ashyq aspan astynda jerdi tyńaıtýmen aınalysqan. Al ol aýyr jumystardyń biri sanalatyn. Sol sebepti de munda kisi qazasy jıi tirkeletin. Dahaý úreı men ólim ordasy bolǵan», - dedi Dahaý memorıaldyq kesheniniń basshysy Gabrıel Hammerman.
