Germanııada bosqyndar sany 3,5 mln adamǵa jetti

ASTANA. KAZINFORM — Germanııada turatyn bosqyndar sany 3,55 mlnǵa jetti. Bul federaldy úkimettiń Býndestagtaǵy Solshyl partııa fraktsııasynyń saýalyna bergen jaýabynan belgili boldy, dep habarlaıdy DW. 

Bul 2024 jylǵa eseptelgen bosqyndar sany ekeni basa aıtyldy. 2023 jyly – 3,42 mln bolǵan.

Germanııaǵa Ýkraınadan 1,2 mln-ǵa jýyq adam qatysty statýspen bardy. Bosqyndar týraly Jeneva konventsııasyna sáıkes shamamen 710 000 adam bosqyn dep tanylsa, 43 000-ǵa jýyq adam baspana izdeýshi retinde tanylǵan. 197 000 adamdy deportatsııalaýǵa tyıym salynǵan, onyń ishinde 130 000-ǵa jýyǵy Aýǵanstannan.

Ótken jyly solshyl depýtat Klara Bıýngerdiń aıtýynsha, Germanııaǵa 124 myń bosqyn kelgen, onyń 108 myńy ýkraınalyqtar. Resmı málimet boıynsha, qazir 200 myń adam elden ketýge mindetti. Alaıda, úkimet derekterine sáıkes, olardyń 178 myńy Germanııada ýaqytsha turýyn jalǵastyryp jatyr.

Eske sala keteıik, Germanııa eki kún ishinde shekarada ustalǵan zańsyz mıgranttardyń 78%-yn elden shyǵardy.