Germanııada birneshe adam lańkes degen kúdikpen qamaýǵa alyndy
ASTANA. QazAqparat - Germanııada birneshe adam lańkes degen kúdikpen qamaýǵa alyndy, dep habarlaıdy 24.kz .
Eki aı buryn Germanııanyń arnaıy qyzmeti terrorlyq toptyń múshesi bolýy múmkin degen kúdikpen birneshe adamnyń izine túsken bolatyn. Sodan beri olardyń áreketterin dáleldeý úshin aıǵaqtar jınaldy.
Sırııalyq úsh bosqyn arnaıy operatsııa barysynda quryqtaldy. Jedel sharaǵa arnaıy qyzmettiń 200 jasaǵy men polıtsııa qyzmetkerleri qatysty. Germanııa Іshki ister mınıstriniń aıtýynsha, kúdiktiler uıymdastyrǵan shabýyldar kezinde 130 adam qaza tapqan. Sonymen qatar, Parıjde terakti jasaǵan toppen de baılanysta bolypty. Qolǵa túsken sırııalyq azamattar TGIL sodyrlarynyń sapynda arnaıy daıyndyqtan ótip, qarý-jaraq pen jarylǵyshty qoldaný tásilderin jaqsy meńgergen. Olar bir jyl buryn Germanııaǵa jalǵan qujattyń kúshimen jetipti.
- Federaldy qylmystyq polıtsııanyń tergeý materıaldaryna júginsek, kúdiktilerdiń 2015 jyly Parıjde terrorıstik áreket jasaǵan qylmyskerlermen baılanysta bolǵany anyqtaldy. Úsheýi de Germanııaǵa bosqyn retinde kelgen. Ázirge olardyń lańkestik áreketti daıyndaǵandary týraly eshbir aqparat joq. Alaıda, bizdiń oıymyzsha olar Germanııaǵa DAISh tapsyrmasymen kelgen. Germanııaǵa arnaıy jiberilip, ári qaraı áreket etý nusqaýlyqtaryn kútti degen boljam bar, dedi GFR Іshki ister mınıstri Tomas de Mezer.
