Germanııada bir táýlikte vaktsına alǵandar sany rekordtyq kórsetkishke jetti
BRıÝSSELЬ. QazAqparat – Germanııada 8 sáýir kúni, ıaǵnı bir táýlikte koronavırýsqa qarsy vaktsınany 719 myń turǵyn aldy, dep habarlaıdy «QazAqparat» HAA menshikti tilshisi.
Otbasylyq dárigerlerge vaktsına salýǵa ruqsat etilgennen keıin Germanııada vaktsınalanǵandar sany rekordtyq kórsetkishke jetti. Osy aptanyń basynda GFR-dyń barlyq jeri boıynsha 35 myńǵa jýyq jalpy praktıka dárigeri naýqastardy vaktsınalaýǵa qosyldy, bul bılikke halyqty vaktsınalaýdy jedeldetýge aıtarlyqtaı kómektesti.
7 sáýirde Germanııada 656 myń doza qoldanyldy, bul aldyńǵy kúnderge qaraǵanda 290 myńǵa kóp. Sondaı-aq sáýir aıy bastalǵaly elge vaktsınalardyń qosymsha partııasy jetkizilýde.
Germanııadaǵy turǵyndardyń shamamen 14 paıyzy bir dozadan qabyldady. Halyqtyń shamamen 6 paıyzy eki dozany qabyldady.
Ázirge otbasylyq dárigerlerde az mólsherde vaktsına dozalary bar. Birinshi aptada bul dárigerlerge barlyǵy 940 000 vaktsına alynady, bul bir dárigerge orta eseppen 26 dozadan keledi.
Sondaı-aq 26 sáýirden bastap preparattardyń jetkizilimi ulǵaıýy múmkin, otbasylyq dárigerlerge aptasyna úsh mıllıonnan astam doza qoljetimdi bolady dep kútilýde.
Barlyǵy Germanııada vaktsınatsııa bastalǵannan beri 2020 jyldyń jeltoqsan aıynyń sońynan bastap 16,26 mıllıon doza vaktsına salyndy.
Avtor: Arnur Rahymbekov
