Germanııada bıatlonnan álem kýboginiń eki kezeńi ótedi
NUR-SULTAN. QazAqparat - Qańtar aıynda Germanııanyń Oberhof qalasynda bıatlonnan álem kýboginiń eki kezeńi ótedi, dep habarlaıdy Olympic.kz.
Álem kýboginiń besinshi kezeńi 7-10 qańtar aralyǵynda uıymdastyrylady.
Sportshylar sprınt, iz kesý jarysy, estafeta jáne sıngl-mıkst boıynsha ózara jeńimpazdardy anyqtaıdy.
Sondaı-aq, álem kýboginiń altynshy kezeńi de Oberfohta ótedi. 13-17 qańtarda uıymdastyrylatyn dodaǵa Qazaqstan komandasy da qatysady.
Aıta ketelik, bıatlonnan Qazaqstan komandasy bul kúnderi Eýropada jattyǵý jıyndaryn ótkizýde.
