Germanııada bankke shabýyl jasaǵan qylmysker arnaıy jasaq kelgende qashyp ketti
ASTANA. KAZINFORM – Germanııanyń Zıntsıg qalasyndaǵy bank bólimshesinde kepilge adam alý oqıǵasynan keıin júrgizilgen polıtsııa operatsııasy aıaqtaldy. Alaıda qaskúnem quqyq qorǵaý organdarynan qashyp úlgergen, dep habarlaıdy Bild basylymy.
Bank ǵımaratyndaǵy bólmelerdiń birinde eki adam qamalyp qalǵan. Olarǵa medıtsınalyq kómek qajet bolmaǵan. Oqıǵa saldarynan zardap shekkender joq.
Arnaıy jasaq ǵımaratqa shabýyl jasap kirgen. Quqyq qorǵaýshylar bank ishin tolyq teksergenimen, qylmysker ol jerde bolmaǵan. Onyń bankten naqty qashan shyǵyp ketkeni ázirge belgisiz. Aldyn ala málimet boıynsha, kúdikti oqıǵa ornynan alystap ketken. Ony izdeý jumystary jalǵasyp jatyr, ázirge syrtqy kelbeti týraly aqparat jarııalanǵan joq.
Polıtsııanyń málimetinshe, tańerteń bankke ınkassatorlyq kólik kelgen. Sol sátte qyzmetkerlerdiń biri ǵımaratqa kirgen kezde belgisiz adam oǵan shabýyl jasap, qorqyta bastaǵan. Al ınkassatorlyq kóliktiń júrgizýshisi bank ishinde kepilde ustalǵan.
Aıta keteıik, SMS-blaster arqyly alaıaqtyq jasaǵan qylmystyq top ustaldy. Bul – TMD elderi aýmaǵynda osyndaı shemanyń joly alǵash ret kesilgen jaǵdaı.
