Germanııada «áıelder beısenbisi» atalyp ketken kóshe karnavaly bastaldy
ASTANA. QazAqparat - Germanııada 12 aqpan kúni Soltústik Reın-Vestalııa federaldy aımaǵynda karnavaldyq maýsymnyń qorytyndy bóligi bastaldy, dep habarlady dw.de.
Atalǵan aımaqta karnaval kostıýmderin kıgen halyq kóńil kóterip, qala kóshelerinde túrli qyzyqty sharalar ótkizedi.
«Áıelder» beısenbisi» atalyp ketken merekeniń ereksheligi bul kúni áıelder bılikti «basyp» alyp, basqarý isine aralasa alady. Karnavalda áıelder saltanatty jıyn kezinde er adamdardyń galstýgyn qaıshymen keskileıdi.
Karnaval sherýiniń ortalyǵy - Germanııadan myńdaǵan qaljyńbastar jınalatyn Keln qalasy. Jappaı merekelik sherý Dıýsseldorf, Koblents, Maınts jáne basqa da qalalarda ótedi.
