Germanııada áıel bes balasyn óltirdi degen kúdikke ilindi
BERLIN. QazAqparat – Germanııa polıtsııasy Soltústik Reın-Vestfalııa federaldyq jerinde ornalasqan Zolıngen qalasynda bes balanyń ólimine qatysty qylmysty tergep jatyr. Anasy balalaryn óltirdi degen kúdikke ilindi. Bul týraly QazAqparat Euronews-ǵa silteme jasap habarlaıdy.
Polıtsııaǵa balalardyń ájesi habarlasqan soń, tártip saqshylary atalǵan úıdi tekserýge kelgen.
«Balalardyń 27 jastaǵy anasy Dıýsseldorfta poıyzdyń astyna túspek bolyp, jaraqat alǵan. Qazirgi kezde ol aýrýhanada jatyr, biz bolǵan oqıǵaǵa baılanysty odan jaýap alamyz», - dedi Polıtsııanyń resmı ókili Shtefan Vaıend.
«Áıelmen birge onyń altynshy balasy, 11 jasar ul bolǵan. Abyroı bolǵanda, ol aman», - dep naqtylady Soltústik Reın-Vestfalııa ІІM basshysy Herbert Roıl.
Oqıǵanyń mán-jaıy týraly eshteńe belgisiz, qosymsha aqparat ázirge habarlanbaı otyr. Kúdikti áıeldi polıtsııa kúzetip jatyr.
Balalar ólimine ne sebep bolǵany da belgisiz. Bul qylmysty ashýǵa 40-qa jýyq polıtsııa qyzmetkeri jumyldyrylǵan.
