Germanııada avtoturaqtaǵy plıtkalardy jóndeý kezinde bankke aparatyn 8 metrlik týnnel tabyldy
BERLIN. QazAqparat – Shpengte (GFR-dyń soltústigi) Volksbank nemis bankiniń avtoturaǵyndaǵy plıtkalardy aýystyryp jatqan jumysshylar qarjy mekemesiniń ǵımaratyna aparatyn týnnel tapty, dep habarlaıdy QazAqparat.
Der Spiegel basylymynyń jazýynsha, avtoturaqta tóselgen plıtkalar deńgeıi 14 mamyr kúni, jumada tómen túsip ketken, bul qala qyzmetteriniń nazaryn aýdardy. Jumysshylar bul jerde qubyr jaryldy dep oılaǵan. Dúısenbide olar jóndeý jumystaryna kirisken kezde uzyndyǵy segiz metr jáne eni shamamen bir metr bolatyn týnneldi tapqan, ol transformator qorabynan bastalǵan.
Volksbank ókili shabýyl jasaýshylar 23 mamyrda, jeksenbide bank kelýshilerge jabyq bolǵan kezdi jáne Germanııadaǵy katolıkter men protestanttar Troıtsyn kúnin atap ótetin sátti paıdalanyp tonamaq bolǵan dep boljap otyr.
Polıtsııa qylmyskerlerdi izdeýde.
