Germanııada avtobýstaǵylardy qutqarǵan jolaýshy qoǵamdyq kólikte ómir boıy tegin júretin boldy
ASTANA. QazAqparat - Germanııada erlik jasaǵan jolaýshyǵa ómir boıy qoǵamdyq kólikte tegin júrý quqy berildi. Avtobýs júrgizýshisi esinen tanyp qalǵan soń, jolaýshylardyń biri kólikti amalyn taýyp toqtatyp alǵan, dep habarlaıdy QazAqparat dw.com silteme jasap.
Germanııanyń Dýısbýrg qalasynda jolda júrip bara jatqan avtobýstyń 58 jastaǵy júrgizýshisi esinen tanyp qalady. Basqarýsyz avtobýs qarama-qarsy baǵytqa shyǵyp, jol shetindegi qorshaýdy buzyp ketken. Jolaýshylardyń biri kabınaǵa ótip, kólikti «tizgindep», ony toqtatyp aldy.
Apattyń aldy alynǵan soń, jas jolaýshy avtobýstan shyǵyp jónimen kete barǵan.
«Men aıtarlyqtaı eshteńe istegen joqpyn», - deıdi 24 jastaǵy O.Mohammed
Qaıǵyly oqıǵaǵa jol bermegeni úshin oǵan erekshe qurmet kórsetildi. DVG kólik kompanııasy qaladaǵy qoǵamdyq kólikte ómir boıy tegin júrýge quqyq beretin bıletti tabystady, dep jazady General-Anzeiger basylymy.
