Germanııada avtobýs aýdarylyp, bes adam qaza tapty

ASTANA. KAZINFORM – Germanııanyń shyǵysyndaǵy Leıptsıg mańyndaǵy avtobanda qalaaralyq avtobýs apatqa ushyrap, kem degende bes adam qaza taýyp, birneshe adam jaraqat aldy, dep habarlaıdy BBC.

Málim bolǵandaı, avtobýs operatory Flixbus kompanııasy bolǵan. Qoǵamdyq kólik A9 tasjolynda kúrt ońǵa burylyp, búıirine aýdaryldy.

Rastalmaǵan málimet boıynsha, avtobýs Berlınnen Nıýrnberg baǵytynda jol júrip kele jatqan, onyń sońǵy baratyn jeri Tsıýrıh bolýy tıis edi.

Saksonııa shtatynyń bıligi qaza bolǵandardyń týystaryna qaıǵyryp kóńil aıtty.