Germanııada áýejaı jumysshylary taǵy da ereýilge shyqty

ASTANA.QazAqparat – 13 naýryzda Gambýrg áýejaıynda josparlanǵan 123 reıs jáne qonýǵa tıis 121 reıstiń kem degende 50-i toqtatylady. Ereýildi Gannover men Berlın áýejaılary da jalǵastyrmaqshy, dep habralıdy QazAqparat DW agenttigine silteme jasap.

Jeksenbi kúni keshke Gambýrg áýejaıynda qyzmetkerlerdiń narazylyq ereýilderi bastaldy.

13 naýryzda áýejaıda josparlanǵan 123 reıstiń barlyǵy jáne qonýǵa tıis 121 reıstiń kem degende 50-i toqtatylady, kóptegen reıster keıinge shegerilýi múmkin.

Verdi kásipodaǵy áýejaıdyń 2 myńǵa jýyq qyzmetkerin shaqyrǵan ereýil 13 naýryzdyń keshine deıin jalǵasady.

Gambýrg mektepterinde kóktemgi demalys ekenin eskersek, onyń saldary ondaǵan myń áýe jolaýshylaryna áser etýi múmkin.

13 naýryz kúni tańerteń Gannover áýejaıy men Berlın áýe aılaǵyndaǵy BER qyzmetkerleri de Gambýrgtegi áriptesterine qosyldy.

Ver.di kásipodaǵy federaldy jáne kommýnaldyq deńgeıdegi memlekettik qyzmetkerlerdiń jalaqysyn 10,5 paıyzǵa jáne aıyna keminde 500 eýroǵa kóterýdi talap etedi.

Óz kezeginde jumys berýshiler eki kezeń boıynsha jalaqyny kezeń-kezeńimen 5 paıyzǵa kóterýdi jáne qyzmetkerlerge 2500 eýro kóleminde birjolǵy tólem berýdi usynyp otyr.

Taraptar arasyndaǵy kelissózdiń úshinshi kezeńi Potsdamda 27-29 naýryz aralyǵynda ótedi.

11 naýryzdaǵy tarıftik kelissóz barysynda taraptardyń ymyraǵa kele almaýyna baılanysty Ver.di kásipodaǵy Germanııanyń soltústigindegi birqatar áýejaılardyń qyzmetkerlerin ereýilge shaqyrdy.

Ereýil Gambýrgten basqa Berlın, Gannover jáne Bremen áýejaılaryna da yqpal etýi múmkin.

Eske sala keteıik, Germanııada áýejaı qyzmetkerleri aqpan aıynda da ereýilge shyqqan edi.