Germanııada aýa raıy men joldyń turpatyna sáıkestendiriletin shınalar shyǵaryla bastady
ASTANA. 26 sáýir. QazAqparat - Leıptsıg qalasynda ornalasqan qoldanbaly ǵylymdar ýnıversıtetiniń bir top ǵalymdary professor Detlef Rımerdiń jetekshiligimen paıdalanýdyń kez-kelgen keıpine kónetin álemdegi eń alǵashqy «aqyldy» shınalardy
shyǵara bastady. Bul ınnovatsııalyq joba osy aptada ótken álemdegi eń iri Gannoverdiń jármeńkesinde tanystyryldy.
«Qazirgi tańda kólik basqarý barysynda júrgizýshiler únemi aýa raıy men joldyń turpatyna nazar aýdaryp, soǵan laıyqty júrý jyldamdyǵyn alýǵa májbúr bolyp otyr. Ár kezde árqıly bolatyn aýa raıy men joldyń turpaty biraz qıyndyqtardy keltirip, júrgizýshiniń qozǵalysyna bóget bolatyny belgili. Al qazirgi bizdiń shyǵaryp jatqan «kez-kelgen jaǵdaıǵa ılanatyn shınalar» bul kedergilerge tosqaýyl bolmaq. Atap aıtqanda engizilgen elektrondy sensorlar arqyly aýa raıynyń qar nemese jańbyr jaýǵanyna, odan ári joldyń kedir-budyryna qaramastan esh qıyndyqsyz júrmek. Dóńgelekterdiń shınalary dál sol qozǵalystyń kezinde (kóliktiń júrip bara jatqan kezinde) jaǵdaıǵa baılanysty aýystyrylatyn bolady.
Atalmysh «aqyldy» shınalardy qurý jumysy ázirge aıaqtalǵan joq, ǵalymdar ártúrli materıaldarmen tájirıbe jasap, synaýda. Degemen Rımmerdiń sózine qaraǵanda, oılap shyǵarylǵan bul biryńǵaı tehnologııa patenttelip qoıdy, dep habarlaıdy RBK.
