Germanııada aýa raıynyń qolaısyzdyǵyna baılanysty reıster toqtatyldy
ASTANA. KAZINFORM - Frankfýrt áýejaıy qar men qar aralas jańbyrǵa baılanysty 120 reısti toqtatty, dep habarlaıdy Bild.
Germanııa áýejaılarynda aýa raıyna baılanysty reıster toqtatyldy. Ásirese Frankfýrt áýejaıy zardap shekti.
5 jeltoqsanǵa josparlanǵan 1090 ushyr-qonýdyń 120-sy toqtatyldy, dep habarlady áýejaı operatorynyń ókili. Ushý-qoný jolaqtaryn qar basqandyqtan kórý múmkindigi shekteldi.
Sonymen qatar aýa raıy jaǵdaıyna baılanysty ushaqtardy kóktaıǵaqqa qarsy suıyqtyqpen óńdeý protsesi uzaǵyraq ýaqyt alady. Jolaýshylardan reıs týraly aqparatty tekserip, áýejaıǵa qosymsha jol júrý ýaqytyn aldyn ala josparlaýǵa keńes berildi.
Buǵan deıin Qazaqstan, Ázerbaıjan, Izraıl, BAÁ jáne Túrkimenstannyń áýe kompanııalary Reseı baǵyttaryna reısterdi ýaqytsha toqtatqan bolatyn.
Aıta keteıik, Germanııadaǵy jármeńkede adamdardy kólikpen taptaǵan kúdiktiniń kim ekeni belgili boldy.