Germanııada artyq salmaǵy bar fýtbolshylarǵa arnalǵan arnaıy lıga quryldy

ASTANA. KAZINFORM — Germanııanyń Soltústik Reın-Vestfalııa aımaǵynda erekshe fýtbol lıgasy paıda boldy. Oǵan dene salmaǵynyń ındeksi (DSI) 31 nemese odan joǵary sportshylar ǵana qatysa alady, dep habarlaıdy Bild. 

Týrnır «Pfýndeslıga» dep ataldy. Bul Býndeslıga sııaqty bolady, biraq semiz adamdarǵa arnalǵan.

Chempıonatqa 16 komanda qatysady. Oıyndar shaǵyn alańda 8 oıynshymen oınalady jáne oıyn 70 mınýtqa sozylady. Aryq adamdarǵa kirýge tyıym salynady. Tizimdegi tek tórt oıynshynyń DSI deńgeıi 28-den joǵary bolýy múmkin jáne olardyń ekeýi ǵana bir ýaqytta alańda bola alady. Eger qarsylas kúmándansa, oıynshy match aldynda ólshenýi múmkin.
Komandalardyń biri Essendik “Rhinos” bolyp, onyń 30-ǵa jýyq múshesi bar.

— Óziń sııaqty jigittermen oınaý aqyl-oı jaǵynan áldeqaıda ońaı, - dedi 114 keli salmaqtaǵy komanda kapıtany Dennıs Shmıdt.

Oıynshylardyń arasynda erler de, áıelder de bar. “Pfýndeslıga” komandalary keıde birge keshter ótkizedi, al oıynnan keıin oıynshylar syra ishedi.

Eske sala keteıik, Alı Alıev fýtboldan Qazaqstan quramasy bas bapkeri qyzmetinen ketetinin málimdedi.