Germanııada árbir tórtinshi naýqas dáriger qabyldaýyn bir aıdan astam kútedi

ASTANA.KAZINFORM — Germanııada memlekettik medıtsınalyq saqtandyrýy bar patsıentter arasynda maman dárigerlerdiń qabyldaýyn uzaq kútýge baılanysty narazylyq kúsheıip keledi, dep habarlaıdy DW.

Bul týraly aýrýhanalyq saqtandyrý kassalary júrgizgen saýalnama nátıjeleri dáleldeıdi.

Respondentterdiń shamamen úshten biri qabyldaýdy kútý merzimi shamadan tys uzaryp ketkenin aıtqan. Al saýalnamaǵa qatysqan árbir onynshy adam ózine qajetti dárigerdiń qabyldaýyn úsh aıdan astam ýaqyt kútkenin málimdegen.

Osy saýalnama nátıjelerine baılanysty Germanııanyń Aýrýhanalyq saqtandyrý kassalarynyń bas birlestigi ortalyqtandyrylǵan onlaın-portal engizýge shaqyrdy.

Usynysqa sáıkes, eldegi barlyq medıtsınalyq mekeme qabyldaýǵa jazylý oryndarynyń «belgili bir turaqty paıyzyn» osy portalǵa engizýi tıis.

Bul shara patsıentter úshin dáriger qabyldaýyna qoljetimdilikti arttyrýǵa baǵyttalǵany atap ótildi. 

Aıta ketelik Germanııada jumys oryndary qysqaryp jatqany týraly jazǵan edik.