Germanııada árbir besinshi jastyń kásibı bilimi joq
ASTANA. KAZINFORM – Germanııada 20 men 34 jas aralyǵyndaǵy 2,76 mıllıon adamnyń aıaqtalǵan kásibı bilimi joq. Bul osy jas tobyndaǵy azamattardyń shamamen besten birine teń, dep habarlaıdy germanııalyq Tagesschau basylymy.
Germanııanyń Bilim mınıstrliginiń baıandamasynda keltirilgen bul kórsetkish alańdaýshylyq týǵyzyp otyr.
Federaldyq eńbek agenttiginiń basshysy Andrea Nales te jaǵdaıǵa alańdaýshylyq bildirdi. Onyń aıtýynsha, 2026 jyly kásiptik bilim alýǵa ótinish bergen 179 myń adam ǵana oqý ornyn tapqan. Bul byltyrǵydan 12 myńǵa az jáne tirkelgen úmitkerlerdiń nebári 40 paıyzy. Germanııa birikkennen beri mundaı tómen kórsetkish bolmaǵan.
Kásiptik bilim berý jónindegi federaldyq ınstıtýt (BIBB) jastardyń mamandyq ıgere almaýynyń eki negizgi sebebin atady. Birinshiden, ekonomıkalyq jaǵdaıǵa baılanysty kásiporyndar oqytý oryndaryn usynýǵa saqtyqpen qaraı bastaǵan. Ekinshiden, jumys berýshiler usynatyn oqý sharttary jastardyń suranysyna jıi sáıkes kelmeıdi.
Buǵan qosa, baspana qunynyń qymbattyǵy da kedergi bolyp otyr. Іri qalalarda bir bólmeniń jaldaý aqysy 700 eýroǵa deıin jetedi. Kóptegen jas ata-anasynyń qarjylaı kómeginsiz baspana jaldaı almaıdy.
Germanııa kásipodaqtarynyń birlestigi úkimetti jastardyń kásibı biliktiliginiń joqtyǵy máselesine kóbirek kóńil bólýge shaqyrdy.
– Іs júzinde bul jastar eńbek jolyn áli bastamaı jatyp, eńbek naryǵynyń shetinde qalyp otyr. Olardyń jumyssyz qalý jáne turaqsyz jumyspen qamtylý qaýpi áldeqaıda joǵary ekenin jaqsy bilemiz, – dedi uıym ókili ıAn Krıýger.
Eske sala ketsek, buǵan deıin Germanııada jastar narazylyǵy tártipsizdikke ulasqanyn jazdyq.
Al Frankfýrttaǵy tártipsizdik kezinde qarý-jaraq dúkeni tonaldy.
