Germanııada aptap ystyqtan 12 myńnan astam adam qaıtys boldy
ASTANA. KAZINFORM — Germanııada bıylǵy aptap ystyq shamamen 12 500 adamnyń mezgilsiz ólimine sebep boldy.
Robert Koh ınstıtýtynyń (RKI) esebine sáıkes, aptap ystyq ásirese egde jastaǵy adamdarǵa qatty áser etken. Ystyqtan kóz jumǵandardyń basym bóligi — 85 jastan asqan adamdar. Osy jas tobynda shamamen 6300 ólim tirkelgen.
12 500 ólimniń shamamen 9600-i maýsym aıynyń sońyndaǵy erekshe ystyq kezeńge tıesili.
2026 jyly eń joǵary temperatýra maýsymnyń ekinshi jartysynda tirkelip, Germanııanyń kóptegen óńirinde aýa temperatýrasy 40°C-qa deıin kóterildi.
Ystyqqa baılanysty ólim-jitimniń ulttyq ortasha kórsetkishi 100 myń turǵynǵa shaqqanda 15 jaǵdaıdy qurady.
2026 jylǵy maýsym men shilde aılarynda Batys Eýropada aýa temperatýrasy rekordtyq deńgeıge kóterilip, ortasha temperatýra 21,62°C boldy.
Buǵan deıin Ońtústik Koreıada aptap ystyqtan 20-dan astam adam qaıtys bolǵanyn jazdyq.
