Germanııada aptap ystyqqa baılanysty kondıtsıoner óndirisi eki ese artty

ASTANA. KAZINFORM – 2024 jyly Germanııada 317 myń kondıtsıoner óndirildi, bul 2023 jylmen salystyrǵanda (164,7 myń) shamamen eki ese kóp. Sońǵy bes jylda eldegi kondıtsıoner óndirisi 75%-ǵa ósti DW Germanııanyń Federaldyq statıstıka basqarmasyna silteme jasap. 

Nemis dúkenderindegi ımporttyq kondıtsıonerlerdiń sany da kóbeıip keledi. Importtyń tórtten birin ıtalıalyq úlgidegi kondıtsıonerler, sonymen qatar qytaılyq jáne shved markalar da suranysqa ıe, dep jazady Der Spiegel jýrnaly.

Sarapshylardyń aıtýynsha, kondıtsıoner Germanııa turǵyndary úshin áli kúnge deıin úı-jaıdyń standartty jabdyǵy emes, Eýropadaǵy aptap ystyqqa baılanysty týyndaǵan májbúrli qajettilik bolyp otyr.

Tipti eldegi eń iri kólik kompanııasy – Berliner Verkehrsbetriebe (BVG) metropolıtende kondıtsıoner ornatýdan prıntsıpti túrde bas tartady. Muny tehnıkalyq jáne ekologııalyq qıyndyqtarmen túsindiredi: kondıtsıonerler árdaıym únemdi bola bermeıdi jáne týnnelderdegi temperatýrany arttyryp, jaıly mıkroklımatty saqtaýdy qıyndatýy múmkin. 

Aıta ketelik Eýropanyń ońtústik bóliginde aptap ystyqtan orman órti órship tur.