Germanııada antıbıotıkterdi durys qoldanbaǵandyqtan ondaǵan myń adam kóz jumdy

ASTANA. KAZINFORM — Antıbıotıkke tózimdi bakterııalar barǵan saıyn úlken qaýipke aınalyp, Germanııada myńdaǵan adamnyń ólimine sebep bolyp otyr, dep habarlaıdy BILD. 

Robert Koh ınstıtýty (RKI) men Vashıngton ýnıversıtetiniń zertteýine sáıkes, tek 2019 jyly elde shamamen 45,7 myń adam emdeýge kónbeıtin qozdyrǵyshtardan týyndaǵan ınfektsııalardan kóz jumǵan.

RKI derekterinshe, olardyń ishinde shamamen 9600 ólim antıbıotıkterge tózimdiliktiń tikeleı saldary bolǵan.

Kóbinese ólimge ákelgen ınfektsııalar — qan aınalymy aýrýlary, tynys joldarynyń qabynýy jáne qursaq qýysynyń ınfektsııalary.

Jahandyq deńgeıde jaǵdaı da alańdatarlyq. Densaýlyq jaǵdaıyn baǵalaý ınstıtýtynyń (IHME) zertteýine sáıkes, 2021 jyly antıbıotıkke tózimdi bakterııalardan álem boıynsha shamamen 1,14 mıllıon adam qaıtys bolǵan.

Ǵalymdardyń aıtýynsha, mundaı jaǵdaıdyń negizgi sebebi antıbıotıkterdi shamadan tys jáne durys paıdalanbaý. Bul tózimdi shtamdardyń saqtalyp, taralýyna qolaıly jaǵdaı jasaıdy.

Aıta ketelik 4,7 mln-nan astam medıtsınalyq anyqtamalar elektrondyq formatta resimdelgen edi.