Germanııada Altsgeımer aýrýyna qarsy eki jańa preparat synaqtan ótkiziledi
ASTANA. KAZINFORM — Mıýnster ýnıversıtettik klınıkasy Altsgeımer aýrýynyń eń keń taralǵan túriniń damýyn baıaýlatýǵa arnalǵan eki preparatty synaqtan ótkize bastady. Bul týraly Deutsche Welle agenttigi habarlady.
Klınıka mamandary preparattarǵa lekanemab jáne donanemab degen ataý bergen.
Ǵalymdardyń aıtýynsha, bul — zerthanada jasalǵan antıdeneler. Olar mıdaǵy júıke jasýshalaryn zaqymdap, sıgnaldardyń berilýin buzatyn aqýyzdy túıinderdi joıýǵa baǵyttalǵan. Mundaı ózgerister este saqtaý qabiletiniń tómendeýine ákeledi.
Tájirıbege bes patsıent qatysyp jatyr. Olarǵa ár eki apta saıyn preparat engizilip, mıdyń reaktsııasyn baqylaý úshin MRT jasalady.
Dárigerlerdiń aıtýynsha, lekanemab pen donanemab Altsgeımer aýrýyn tolyq toqtata almaǵanymen, onyń damýyn baıaýlatýy múmkin.
Buǵan deıin Geıdelberg ýnıversıteti ǵalymdary, professor Hılmar Badıng jetekshiligimen, Altsgeımer kezinde neırondardyń joıylýyn iske qosatyn molekýlalyq mehanızmdi anyqtap, ony tejeýge qabiletti zat tapqan bolatyn.
