Pákistanda tótenshe aýa raıy saldarynan qaza tapqandar sany artty

ASTANA. KAZINFORM –  26 maýsymnan beri Pákistanda tolassyz mýsson jańbyrlary men kenetten bolǵan sý tasqyndary saldarynan 66 adam qaza taýyp, taǵy 127 adam jaraqat aldy, dep habarlaıdy «Sınhýa».

Pákistannyń Tabıǵı apattardyń saldaryn joıý jónindegi ulttyq basqarmasy (NDMA) sońǵy eki kúnde jaýǵan jańbyr saldarynan taǵy eki adamnyń qaza taýyp, 10 adamnyń jaraqat alǵanyn habarlady. Eldiń keıbir óńirlerinde tótenshe aýa raıy áli de jalǵasyp jatyr.

NDMA málimetinshe, eń kóp adam shyǵyny Pákistannyń soltústik-batysyndaǵy Haıber-Pahtýnhva provıntsııasynda tirkelgen – munda 24 adam, onyń ishinde 11 bala kóz jumǵan. Ótken aptada Svat okrýginde kenetten bolǵan sý tasqyny saldarynan olardyń 14-i qaza tapqan.

Shyǵys Pákistandaǵy Pendjab provıntsııasynda nóser jaýyn saldarynan úılerdiń qulaýynan jáne sý tasqyndarynan 22 adam, onyń ishinde 11 bala qaza boldy. Sınd provıntsııasynda 15 adam, Belýdjıstanda – 5 adam mert bolǵan. Sonymen qatar, Djammý men Kashmır aımaǵynda úsh adam jaraqat aldy.

Tolassyz jaýyn-shashynnyń jalǵasýyna baılanysty Pákistannyń meteorologııalyq departamenti aldaǵy 48 saǵat ishinde birneshe óńirde jaýyn-shashyn men naızaǵaıdyń kúsheıýi múmkin ekenin boljap otyr.