Germanııada álemdegi eń úlken altyn moneta urlandy
ASTANA. QazAqparat - Berlındegi murajaılardyń birine ury túsip, álemdegi eń úlken altyn moneta qoldy boldy, dep habarlaıdy 24.kz.
Bul saf altynnan quıylǵan jádiger. Ol álemdegi eń qundy valıýta retinde Gınnestiń rekordtar kitabyna engen. Álem boıynsha bul jádigerdiń tek bes danasy ǵana bar. Salmaǵy 100 kg, nomınaldyń quny 1 mln Kanada dollary bolǵanmen, zergerler ony 4 mln eýroǵa baǵalap otyr. Urynyń asa qymbat ári aýyr zatty qalaı alyp shyqqany ázirge belgisiz
«Urlyq tańerteń bolǵan. Qylmyskerler saty arqyly terezeden murajaı ishine kirip, monetalar kórmesine ótken. Olar tek osy monetany alýdy kózdegen. Monetany qorshap turǵan qalyń áınek urylarǵa esh kedergi bola almaǵan»,-deıdi Berlın qalasy polıtsııasynyń ókili
Vınfrıd Vensel.
