Germanııada 94 jastaǵy qarııany 15 jylǵa bas bostandyǵynan aıyrýy múmkin
ASTANA. QazAqparat - Germanııada 1944 jyly Osventsım kontslagerinde qyzmet etken burynǵy sanıtarǵa qatysty qylmystyq is qozǵaldy. Ol 3 681 adamnyń ólimine janama bolsa da jaýapty dep aıyptalyp otyr. BBC News-tiń habarlaýynsha, 94 jastaǵy burynǵy sanıtar endi 3 jyldan 15 jylǵa deıin bas bostandyǵynan aıyrylýy múmkin, dep jazady Lenta.rý.
Germanııanyń Shverın qalalyq prokýratýrasynyń málimetinshe, esimi atalmaǵan aıyptalýshy kontslagerde 1944 jyldyń 15 tamyzynan 14 qyrkúıegine deıin qyzmet etken. Aıyptalýshynyń qorǵaýshysy onyń kináli emestigin dáleldeýge tyrysyp otyr.
Bild gazeti aıyptalýshynyń aty-jónin jarııalady. Basylymnyń jazýynsha, onyń esimi - Hýbert Ts. Gazet onyń eses kıimimen túsken fotosýretin jarııalady. Hýbert 1920 jyly dúnıege kelgen. SS-ke múshelikke jıyrma jasynda ótken. 1942 jáne 1943 jyldary Hýbert Ts. Zaksenhaýzen jáne Noıengamme lagerlerinde sanıtar bolyp jumys istep, keıin Osventsımge (Aýshvıts) aýystyrylǵan.
