Germanııada 88 jastaǵy adamǵa soǵys jyldarynda frantsýzdardy óltirýge qatysty degen aıyp taǵyldy
ASTANA. 9 qańtar. QazAqparat - Germanııada Ekinshi dúnıejúzilik soǵys jyldarynda Frantsııanyń Oradýr-sıýr-Glan eldi mekeniniń barlyq 624 turǵynyn qyryp salǵan gıtlerlik áskerdiń qatarynda bolǵan 88 jastaǵy er adamǵa aıyp taǵyldy.
Bul týraly Keln soty málim etti, dep habarlaıdy jergilikti BAQ. Dortmýnd prokýratýrasy búginderi zeınetke shyqqan Keln turǵynyna, 25 adamnyń kózin joıýǵa qatysty jáne gıtlerlik ásker qatarynda júrip, júzdegen jazyqsyz frantsýzdardy óltirýge atsalysty degen kiná taqty. Tergeý málimetteri boıynsha, ol soǵys jyldary túgeldeı bir aýyldy joıyp jibergen SS armııasynyń quramynda bolǵan. Jaqyn kúnderi sot atalǵan is boıynsha óndiristi ashý ne ashpaý jóninde sheshim shyǵarýy tıis. 1944 jyldyń 10 maýsymynda SS áskerleri Oradýr-sıýr-Glannyń 642 turǵynyn óltirip, aýyldy órtep ketken bolatyn.
