Germanııada 8 jasar bala kólikti aıdap ketip, 140 km/saǵ jyldamdyqpen júrgen
NUR-SULTAN. QazAqparat – Germanııada segiz jasar bala ata-anasynyń Volkswagen Golf avtomobılin aıdap ketken jáne kúre jolda 140 km/saǵ jyldamdyqpen júıtkigen, dep habarlaıdy BBC.
Balany anasy Dortmýnd baǵytyndaǵy A-44 kólik jolynyń jıeginen tapty. Búldirshin belgi beretin jaryqty qosqan ári kóliktiń artyna eskertý belgisin ilip qoıǵan. Ol ózin tapqan polıtseılerge «azdap qydyryp kórgisi kelgendigin» aıtqan.
Balasynyń joǵalǵandyǵyn polıtseılerge sársenbige qaraǵan túni anasy habarlaǵan. Onyń aıtýynsha, búldirshin Zoest qalasyna ketken. Budan buryn ol jekemenshiktegi aýmaqta, sondaı-aq attraktsıonda birneshe ret kólik júrgizgen bolyp shyqty.
