Germanııada 8 adam mingen áýe shary apatqa ushyrady
REINLAND-PFALЬTs. QazAqparat – Germanııanyń Reınland-Pfalts federaldy jerinde segiz adam mingen áýe shary apatqa ushyrady. Apparattyń qulaýynan bir adam ajal qushty, dep habarlaıdy QazAqparat Merkur basylymyna silteme jasap.
Áýe shary qonbas buryn qatty jeldiń saldarynan qulaǵan, sodan keıin kenet sebet jerge túsip ketip, temirjol jolynda aǵash butaqtaryna ilinip qalǵan.
Basylymnyń habarlaýynsha, 100-den astam qutqarýshy áýe sharynyń jolaýshylaryn aǵashtar arasynan shyǵaryp alǵan. Sonyń saldarynan poıyzdardyń qozǵalysyn biraz ýaqytqa toqtatýǵa týra kelgen.
Ushqysh mert boldy, barlyq jeti jolaýshy jaraqat aldy, olardyń ekeýiniń jaǵdaıy aýyr.
