Germanııada 74 jolaýshy mingen qalaaralyq avtobýs aýdaryldy
NUR-SULTAN. QazAqparat - Flixbus tasymaldaýshy kompanııasynyń qalaaralyq avtobýsy Leıptsıg mańyndaǵy avtobanda jol-kólik oqıǵasyna ushyrady. Jeksenbi kúni Bild gazeti polıtsııaǵa silteme jasap habarlaǵandaı, bir adam qaza taýyp, beseýi aýyr halde jatyr jáne ondaǵan jolaýshy jeńil jaraqat alǵan.
Avtobýsta barlyǵy 74 jolaýshy bolǵan. Jol-kólik apatynyń sebebi ázirge belgisiz. Apat bolǵan aýmaqtaǵy A9 avtobanynyń ýchaskesi eki jaǵynan qorshaýǵa alyndy.
Oqıǵa ornynda qutqarýshylar jumys istep jatyr. Zardap shekkenderdi tikushaqtardyń kómegimen aýrýhanalarǵa jetkizýde.
