Germanııada 50 kólik soqtyǵysty, 30-dan astam adam zardap shekti
ASTANA. 16 qarasha. QazAqparat - Germanııada oryn alǵan iri jol-kólik apatynyń saldarynan 31 adam zardap shekti, dep habarlady Rosbalt.
Ǵalamtordaǵy BAQ habarlaǵandaı, Saksonııa-Anhalttaǵy A38 federaldy tas jolynda qatarynan 50 kólik, onyń ishinde 8 júk kóligi soqtyǵysty.
Aldyn ala jasalǵan boljam boıynsha, joldyń nashar kórinýi men kóktaıǵaq apatqa sebep boldy.
Qazirgi ýaqytta oqıǵa ornyna qutqarý qyzmetteri shyqty. 4 adam aýyr halde aýrýhanaǵa jetkizildi, alaıda olardyń ómirlerine qaýip tónip turǵan joq.
Federaldy tas joldyń ýchaskesi eki jaqtan da jabyldy.
