Germanııada 400 jolaýshysy bar poıyz týnnel ishinde birneshe saǵat turyp qaldy

ASTANA. KAZINFORM – Avstrııanyń Vena qalasynan Gambýrgke baǵyt alǵan Deutsche Bahn kompanııasynyń jolaýshylar poıyzy Germanııadaǵy týnnelde birneshe saǵat boıy toqtap qaldy, dep habarlaıdy DW.

Oqıǵa poıyz týnnel ishinen ótip bara jatqanda elektr qýatynyń kenetten óship qalýynan oryn alǵan. Saldarynan 400-ge jýyq jolaýshy jaryqsyz qalǵan vagondarda uzaq ýaqyt kútýge májbúr boldy.

Tehnıkalyq sebepterge baılanysty poıyzdy súırep shyǵarý múmkin bolmaǵan. Sondyqtan jolaýshylardy basqa poıyzǵa kóshirý týraly sheshim qabyldanǵan. Alaıda, keı jolaýshylar qaýipsizdik talaptaryna qaramastan óz betimen vagondardan shyǵyp ketken.

Sol sebepti, qutqarý operatsııasy keshigip, týnnelge qaıtadan elektr qýaty berilmeı, onyń ishin muqııat tekserýge týra kelgen. Operatsııaǵa qutqarý qyzmetiniń kóptegen mamany jumyldyryldy.

Zardap shekkender týraly aqparat túsken joq.

Aıta keteıik, Germanııada saqtandyrý aıasynda aıaq-qolǵa lıposaktsııa jasatýǵa bolady.