Germanııada 30 myń bosqyn joǵalyp ketti
ASTANA. QazAqparat - Germanııa bıligi 30 myńnan astam bosqynnyń qaıda ekenin tappaı otyr.
Bild basylymynyń habarlaýynsha, olardyń bosqyn mártebesin berýdi suraǵan ótinishin Germanııa bıligi qabyldamaı, elden shyǵyp ketýi tıis ekenin málimdegen.
2016 jyldyń jeltoqsan aıynda elden 54 myń adam shyǵyp ketýi tıis edi, alaıda memleket 23 myń adamnyń elden shyǵýyna kómektesken. Al qalǵandarynyń qaıda ketkeni belgisiz qalyp otyr. Germanııa ishki ister mınıstrliginiń málimdemesine qaraǵanda, olar qazir «boı tasalap otyr» nemese óz betimen Germanııadan shyǵyp ketken.
2016 jylǵy 26 aqpanda Germanııa úkimeti bir jyl buryn tirkeýden ótken 130 myń bosqynnyń qaıda júrgeninen habarsyz ekenin málimdegen bolatyn. Óıtkeni tirkelgen bosqyndar memleket belgilegen óńirlerge barmaǵan.
Bosqyndardyń joǵalýyna sebep retinde mamandar óz otandaryna oralýy, shekara asyp Eýropanyń basqa elderine ketýi, beıresmı bosqynǵa aınalýy sııaqtylardy kórsetip otyr.
