Germanııada 30 myńǵa jýyq jumys orny qysqarýy múmkin

ASTANA. KAZINFORM — Bavarııada kúrdeli ekonomıkalyq jaǵdaı men qurylymdyq ózgeristerge baılanysty metall óńdeý jáne elektr ónerkásibindegi 30 myńǵa jýyq jumys orny qysqarýy múmkin. Bul týraly IG Metall kásipodaǵyna silteme jasaǵan Die Zeit basylymy habarlady, dep jazdy Report.

Uıymnyń aımaqtyq keńsesiniń basshysy Horst Ott Bavarııada jumys isteıtin kompanııalar 32 000 jumys ornyn qysqartqanyn atap ótti. Bir ǵana avtomobıl ónerkásibinde jumystan bosatý kompanııalardyń 54%-yna áser etedi.

Elde jumys oryndary qysqarýymen qatar, dál qazirgi ýaqytta 3 myńǵa jýyq jańa jumys orny ashyldy.

Horst Ottyń aıtýynsha, qorǵanys salasyn damytý bul problemany ázirge sheshe almaıdy. Esepteýinshe, avtomobıl salasyndaǵy árbir 10 jumysshyǵa qorǵanys salasynda bir ǵana jańa jumys orny ashylǵan.

Aıta keteıik, Ulybrıtanııada jumyssyzdyq deńgeıi 5,2%-ǵa jetti. Elde jekemenshik sektordaǵy jalaqy ósiminiń qarqyny baıaýlap, sońǵy bes jyldaǵy eń tómen deńgeıge túsken.

Mundaı jaǵdaı ózge memleketterde de oryn aldy. Máselen AQSh-taǵy jumyssyzdyq deńgeıi qarashada 4,6%-ǵa deıin ulǵaıyp, 2021 jyldyń qazan aıynan beri eń joǵary kórsetkishke jetken. Jumyssyzdar sany Fınlıandııa men Shvetsııada da artyp otyr.