Germanııada 27 jyl komada jatqan áıel oıandy
NUR-SULTAN. QazAqparat - Germanııada 27 jyl komada jatqan áıel oıandy, dep habarlaıdy QazAqparat Daily Mail basylymyna silteme jasap.
BAÁ turǵyny Mýnıra Abdýlla 1991 jyly jol apatynda basynan jaraqat alyp, jergilikti aýrýhanaǵa jetkizilgen. Keıinnen dıagnoz qoıý úshin ony Londonǵa jiberedi. Dárigerler áıeldiń komaǵa uqsas, aýrýdy sezý qabileti saqtalǵan jaǵdaıda jatqanyn aıtqan. Keıin ony eline qaıtaryp, tútkipen azyqtandyrǵan, fızıoterapııamen emdegen.
2017 jyly hanzada Abý-Dabı Mohammed ben Zaıd áıeldiń qıyn jaǵdaıy týraly estip, Germanııada emdeý úshin qarajat bólgen. Bir jyldan keıin ol keıbir dybystar bildirgen, taǵy birneshe kúnnen keıin ulynyń esimin atap shaqyrǵan.
Áıel qazir Ábý-Dabıge oralyp, otbasy qushaǵynda ál jınap jatyr. Endi oǵan bulshyqet atrofııasyn emdeý úshin fızıoterapııa qajet.
