Germanııada 13 jyl qamaýda otyrǵan azamatqa 1,31 mln eýro ótemaqy tólenedi

ASTANA. KAZINFORM — Germanııanyń Bavarııa aımaǵynyń bıligi Manfred Gendıtskıge 13 jyl boıy qate aıyptaýlar boıynsha qamaýda bolýyna baılanysty 1,31 mln eýro ótemaqy tóleýge kelisti, dep habarlady aımaqtyq ádilet mınıstrligi. 

DW agenttegi deregine sáıkes, bul tólem ádiletsiz aıyptaý, qamaýǵa alý jáne keıingi sot protsessterine qatysty daýlardy sheshý maqsatynda jasalady.

Gendıtskı isi 2010 jyly nemis BAQ-ynda keń taraǵan, oqıǵany «vannadaǵy ólim» dep ataǵan. Mıýnhen jergilikti soty Gendıtskıdi Rottah-Egern qalasynda qart áıeldi vannada batyryp óltirdi dep ómir boıyna bas bostandyǵynan aıyrý jazasyna kesti. 2012 jyly apellıatsııalyq sot ta ony ómir boıyna túrmege qamaý týraly úkim shyǵardy, al keıingi apellıatsııalar esh nátıje bermedi.

Gendıtskı óziniń kinásizdigin dáleldeýdi jalǵastyrdy. Aqyr sońynda 2023 jyly ol aqtalyp shyqty. Aqtaý sebebi — jańa saraptama nátıjeleri áıeldiń qaıtys bolý sebebi tótenshe oqıǵa ekenin kórsetti, al Gendıtskıge qatysy joq boldy.

Bosatylǵannan keıin Gendıtskı men bılik arasynda ótemaqy somasyna qatysty daý týyndady. Aqshalaı somadan «qamaýda turǵan kezde tamaq pen turý shyǵyndaryn» shegerý qarastyrylǵan edi, bul Germanııadaǵy qoldanystaǵy federaldyq ereje talap etedi.

Sonymen qatar, bosatylǵan adam ótemaqynyń bir bóliginen salyq tóleýi jáne sot shyǵyndaryn óteýi tıis boldy. Barlyq osy máseleler qorytyndy kelisim arqyly sheshildi, dep habarlady Bavarııanyń Ádilet mınıstrligi.

Bılik osyndaı isterdi retteý boıynsha qoldanystaǵy erejelerdi reformalaý qajettigine toqtaldy. Ásirese, ádiletsiz túrde qamaýda bolǵany úshin tólenetin ótemaqy mólsherin qamaýda turǵan ár kún úshin 75 eýrodan 100 eýroǵa deıin arttyrýdy josparlap otyr.

Budan buryn Germanııada urylar bankten shamamen 30 mln eýro tonap ketkenin jazǵan edik.