Germanııa jýrnalısteri Fergıýsonda sóz bostandyǵy buzylǵanyn habarlady
ASTANA. QazAqparat - AQSh-ta jappaı tártipsizdik oryn alǵan Fergıýson qalasynda Germanııa jýrnalısteri ustaldy. Keıin bosap shyqqan nemis tilshileri negizsiz qamalǵandaryn aıtyp, sóz bostandyǵy buzylǵanyn málimdedi, dep jazady Rosbalt.
DPA agenttigi taratqan málimetterge súıensek, ustalǵan nemis jýrnalısteri Ansgar Grav jáne Frank Herrman tilshi retinde Fergıýsonda bolyp jatqan jaǵdaı týraly aqparattar daıyndaǵan. Alaıda, polıtsııa kóshede olardyń qolyn kisendep, túrmege qamaǵan. Nemis tilshileri úsh saǵattan keıin bosap shyǵyp, bolǵan jaǵdaı týraly málimdeme jasady.
Tilshilerdiń aıtýynsha, olar polıtsııa talaptarynyń barlyǵyn oryndasa da tártip saqshylary qısynǵa kelmeıtin aıyptar taǵyp, jazyqsyz kinálaǵan. «Polıtsııa bizdi qorqytyp, jumysymyzǵa kedergi keltirgisi keldi» - deıdi germanııalyq tilshi.
