Germanııa jazǵy ýaqytqa kóshti

ASTANA. KAZINFORM — 29 naýryzǵa qaraǵan túni Eýroodaq elderinde saǵat tili bir saǵat alǵa jyljytyldy, dep habarlaıdy DW.

Olardyń qatarynda Ulybrıtanııa, Ýkraına, Moldova jáne Eýropanyń kópshilik memleketteri bar. Degenmen Islandııa, Túrkııa, Belarýs jáne Reseı elderinde saǵat aýystyrylmaıdy.

Berlın ýaqyty boıynsha bul ózgeris túngi saǵat 02:00-de júzege asty. Endi jazǵy ýaqyt kezeńinde Berlın men Máskeý arasyndaǵy ýaqyt aıyrmashylyǵy 1 saǵatty quraıdy. Al qysqy ýaqytta bul aıyrmashylyq 2 saǵat bolǵan.

Sonymen qatar, 2025 jyly Forsa júrgizgen saýalnamaǵa sáıkes, nemisterdiń tek 23%-y ýaqyt aýystyrýdyń paıdasy bar dep sanaıdy.

Respondentterdiń 74%-y bul tájirıbeni joıýdy qoldaıdy, al 30%-y saǵat tilin aýystyrýdyń saldarynan uıqynyń buzylýy men kóńil-kúıdiń tómendeýin sezinetinin aıtqan.

Buǵan deıin habarlanǵandaı, Ǵylym jáne joǵary bilim mınıstri Saıasat Nurbek eldegi ýaqyt beldeýin aýystyrýdyń saldary týraly zertteýdiń aıaqsyz qalǵanyn túsindirdi.