Germanııa jasyl energetıkaǵa beriletin sýbsıdııalardy qysqartqysy keledi

ASTANA. KAZINFORM – Germanııa bıligi ekonomıkalyq tıimdilik úshin «jasyl energetıkaǵa» beriletin sýbsıdııalardy qysqartqysy keledi, dep habarlaıdy DW.

Bul týraly Germanııa ekonomıka mınıstri Katerına Raıhe jańartylatyn energııa kózderin damytý baǵdarlamasyna arnalǵan vedomstvo esebin tanystyrý barysynda málimdedi.

— Energetıkalyq aýysym tek neǵurlym pragmatıkalyq ári shynaıy kózqaras kezinde ǵana tabysty bola alady, — dedi HDS konservatıvtik partııasynyń ókili.

Raıheniń aıtýynsha, «jasyl energetıka» salasyndaǵy kez kelgen sharalar naryqqa, tehnologııalyq ártúrlilikke jáne ınnovatsııalarǵa baǵyttalýy tıis.

Qoldanystaǵy qoldaý tetikteri qaıta qaralýy kerek, al sýbsıdııalar, sonyń ishinde kún elektr stantsııalaryna beriletinderi de, júıeli túrde qysqartylýy qajet ekenin mınıstr erekshe atap ótti. 

— Mundaı tólemder «olardyń ekonomıkalyq tıimdiligin baǵalaý maqsatynda turaqty túrde qaıta qaralyp, eń qajetti deńgeıge deıin qysqartylýy tıis, — dedi Raıhe.

Jańartylatyn energııa kózderi salasynyń ókilderi, sondaı-aq birqatar koalıtsııalyq saıasatker Raıheni «jasyl energetıka» salasyndaǵy monıtorıngti ádeıi solaı uıymdastyryp, energetıkalyq aýysymǵa kedergi keltirý úshin dálelder jınap otyr dep aıyptady.

Aıta ketelik EYDU basshysy Matıas Kormann Qazaqstan «jasyl ekonomıkany» damytýda kóshbasshylyq tanytyp otyr degen edi.