Germanııa, Ulybrıtanııa jáne Frantsııa Irandy ıadrolyq kelisimdi tolyǵymen oryndaýǵa shaqyrdy
BRıÝSSELЬ. QazAqparat – Germanııa, Ulybrıtanııa jáne Frantsııa Kóshbasshylary Irandy ıadrolyq kelisim boıynsha óz mindettemelerin tolyǵymen oryndaýǵa shaqyrdy, dep habarlaıdy QazAqparat tilshisi jarııalanǵan birlesken málimdemege silteme jasap.
Qujatta atalmysh memleketter AQSh-tyń Irannyń ıadrolyq baǵdarlamasy boıynsha Jan-jaqty qamtylǵan birlesken is-qımyldar josparynan (Jospar) shyǵý jáne Tegeranǵa qarsy sanktsııalardy jandandyrý sheshimine ókinish jáne alańdaýshylyq bildiretinin eske saldy.
Úsh eldiń basshylary anaǵurlym kúrdelene túsken jaǵdaılarǵa qaramastan, olar bul kelisimdi saqtap qalý úshin baryn salǵandaryn atap ótken.
«Irannyń ıadrolyq baǵdarlamasy boıynsha Jan-jaqty qamtylǵan birlesken is-qımyldar josparynda qalyp otyrǵan taraptar – Qytaı, Frantsııa, Germanııa, Reseı, Ulybrıtanııa, Iran jáne úılestirýshi retindegi Eýropalyq odaq Jospardy saqtap qalý týraly buljymas sheshimin qýattady», - delingen málimdemede.
Germanııa, Ulybrıtanııa jáne Frantsııa Lıderleri Irannyń kelisimge sáıkes óz mindettemelerin tolyǵymen oryndaýǵa oralýynyń mańyzdylyǵyn qadap aıtty.
«Biz 2019 jylǵy shildeden bastap óz mindettemelerin buzýǵa qatysty Iran tarapynyń áreketterine úlken alańdaýshylyǵymyzdy bildirdik. Bul áreketter toqtatylýy tıis. Jospardy saqtap qalý úshin onyń barlyq erejelerin qoldanyp, onyń sheńberinde Irannyń Jospar boıynsha óz mindettemelerin oryndaýyna qatysty máselelerdi sheshetin bolamyz», - delingen qujatta.
Esterińizge sala keteıik, 2015 jyldyń shilde aıynda BUU Qaýipsizdik Keńesi ıadrolyq qarýdy taratpaý jónindegi jahandyq rejimniń negizi bolyp tabylatyn Irannyń ıadrolyq baǵdarlamasy boıynsha Jan-jaqty qamtylǵan birlesken is-qımyldar josparyn biraýyzdan qabyldaǵan bolatyn. Shartqa Iran jáne halyqaralyq deldaldardyń «altylyǵy» - Ulybrıtanııa, Germanııa, Qytaı, Reseı, AQSh jáne Frantsııa qol qoıdy. Tegeran sanktsııalardy alyp tastaý sharalarynyń ornyna atom salasyndaǵy óz zertteýlerin shekteýge kelisti.
Foto: reuters
