Germanııa úkimetinde sırııalyqtardy eline qaıtarý máselesi boıynsha daý týyndady

ASTANA.KAZINFORM - Germanııa Іshki ister mınıstrligi men Syrtqy ister mınıstrligi arasynda Sırııaǵa deportatsııany qaıta bastaý jospary boıynsha ashyq janjal bastaldy. Іshki ister mınıstrligi koalıtsııalyq kelisimdi oryndaýdy talap etedi. Oǵan sáıkes «Deportatsııa qylmyskerlerden bastalýy kerek», dep habarlaıdy BILD.

Bul ustanym jaqynda qıraǵan Damask qalasyna baryp, «mundaı aýqymdy qıraýdy buryn-sońdy kórmegenin» málimdegen Syrtqy ister mınıstri Iohann Vadefýl málimdemelerine qaıshy keledi. Ol qazirgi jaǵdaıda sırııalyq bosqyndardyń oralýy «óte shekteýli jaǵdaılarda ǵana múmkin» ekenin málimdedi, sebebi el ınfraqurylymynyń kóp bóligi qıraǵan.

Іshki ister mınıstrligi, kerisinshe, oralý úshin jaǵdaı jasaýǵa bolatynyna senimdi. Vedomstvo ókili Berlın Damaskpen deportatsııaǵa ruqsat berý týraly kelisim boıynsha kelissózder júrgizip jatqanyn jáne bosqyndar jónindegi federaldy basqarma sırııalyqtardyń, negizinen otbasynsyz kelgen jas, eńbekke jaramdy er adamdardyń ótinishterin qaıta qaraýdy bastaǵanyn aıtty.

Buǵan deıin Germanııa úkimetiniń Gaza sektorynan balalardy qabyldaýdan bas tartqany týraly habarlanǵan bolatyn.