Germanııa úkimeti otstavkaǵa ketti
ASTANA. QazAqparat - Germanııa úkimeti otstavkaǵa ketti. Alaıda jańa úkimet qaıta qurylǵanǵa deıin onyń jumysyn qazirgi mınıstrler kabıneti jalǵastyratyn bolady, dep habarlaıdy QazAqparat Regnum agenttigine silteme jasap.
GFR Prezıdenti Frank-Valter Shtaınmaıer Belvıý (Berlın) saraıynda ótken saltanatty rásimde Germanııa úkimetiniń múshelerine demalysqa shyqqanyn rastaıtyn kýálikti tapsyrdy. Osylaısha, Angela Merkel bastaǵan úkimet taratyldy.
Shtaınmaıer Germanııanyń kantsleri Angela Merkelden jańa úkimet qurylǵanǵa deıin kabınettiń basshysy mindetin atqarýyn surady.
«Men jańa úkimet qurylǵanǵa deıin kantsler mindetin atqara berýdi suradym», - dedi memleket basshysy tórt jyl boıy tabysty jumys istegen mınıstrler kabınetine alǵys aıta otyryp.
Eske sala ketsek, Býndestag saılaýy 24 qyrkúıekte ótken edi. Onda Merkel bastaǵan HDO/HSO alıansy 33%-ben kósh bastaǵan bolatyn.
