Germanııa úkimeti áleýmettik jelilerge baqylaýdy kúsheıtpek

BRıÝSSELЬ. QazAqparat – Sársenbi kúni Germanııa úkimeti ekstremıstik úndeýler men alaýyzdyqty qozdyrýǵa baǵyttalǵan ınternettegi jazbalar úshin jaýapkershilik pen baqylaýdy kúsheıtetin zań jobasyn maquldady, dep habarlaıdy «QazAqparat» HAA menshikti tilshisi.

«Zańnamalyq qujattyń qabyldanýymen alaýyzdyqtan bolatyn qylmystarǵa burynǵydan da úlken kúshpen qarsy turatyn bolamyz. Aldaǵy ýaqytta ınternette qoqan-loqy kórsetken nemese alaýyzdyqty taratqandar anaǵurlym qatań jáne tıimdi jazalanatyn bolady», - delingen Ádilet mınıstri Krıstına Lambrehtiń vedomstvo saıtynda jarııalanǵan málimetinde.

Zań jobasyndaǵy basty sharalardyń biri zańǵa qaıshy kontentti dereý alyp tastaý úshin Facebook pen Twitter áleýmettik jelilerine qasymdy kúsheıtý bolyp tabylady. Sondaı-aq áleýmettik jeli ákimshileri krımınaldyq posttardy, olardyń jahandyq jelige sońǵy ret qosylǵan núktesin kórsete otyryp, tehnıkalyq málimetterdi de qosa usynýǵa mindetteledi.

Zań jobasy kúshine enbes buryn Germanııanyń qos palatasynda maquldaýdan ótýi tıis.