Germanııa tutqynda bolǵan KSRO áskerılerine 2,5 myń eýro járdemaqy tóleıdi
ASTANA. QazAqparat - Ekinshi Uly Otan soǵysynda tutqynǵa túsken KSRO Qarýly kúshteriniń áskerı qyzmetshileri Germanııadan 2,5 myń eýro kóleminde birjolǵy járdemaqy ala alady, dep habarlaıdy QazAqparat BELTA-ǵa silteme jasap.
Aqparatqa sáıkes, birjolǵy járdemaqyny Uly Otan soǵysy bastalǵan kúnnen ol aıaqtalǵansha (1941 jyldyń 22 maýsymynan 1945 jyldyń 8 mamyryna deıin) Germanııanyń áskerı tutqyndarǵa arnalǵan lagerinde bolǵan áskerı qyzmetshiler ala alady. Mundaı dırektıvany Germanııa Federatıvti Respýblıkasy halyqtyq ókildiginiń bir palataly organy shyǵardy.
Ótemaqy alý úshin jazbasha ótinishhat pen tıisti qujattar paketi qajet jáne olar 2017 jyldyń 30 qyrkúıegine deıin GFR Ortalyqtandyrylǵan qyzmetter jáne sheshilmegen menshik máseleleri jónindegi federaldyq mekemesine jiberilýi tıis.
Eger ótinish berýshi dúnıe salsa, biraq qujattary kózi tirisinde ótkizilgen bolsa, ótemaqyny áıeli (kúıeýi) nemese balalary ala alady.
