Germanııa turǵyny lotereıadan 77 mıllıon eýro utty
ASTANA. QazAqparat - Germanııadaǵy EuroJackpot lotereıasynyń kezekti oıyny qatysýshylardyń biriniń jeńisimen aıaqtaldy. Nort Reın-Vestfalııanyń turǵyny 77 mıllıon eýro utty, dep habarlady RIA Novostı.
Utys Germanııa úshin eń irisi jáne bul lotereıany ótkizý tarıhyndaǵy somasy boıynsha ekinshisi boldy. Birinshi orynda 2015 jyly Chehııa turǵyny utqan 90 mıllıon eýro utysy tur.
EuroJackpot lotereıasy - eýropalyqtardyń arasynda keń taraǵany. 17 eldiń turǵyndary osy oıynnan baǵyn synaıdy. Basty utysty alý úshin oıynshy 50 nómirdiń beseýin jáne 10-nan qosymsha ekeýin tabý kerek.
